आज बालेवाडीच्या बसस्टॉपवर उभा होतो. सकाळचे ११.१५. एक म्हातारे
गृहस्थ आले. सोबत ८-९ वर्षांचा त्यांचा नातू. नि विचारू लागले, हडपसरला
इथून गाडी कधीये? म्हणून मग मी चौकशी केली तर १.२० ला होती. मी तसं
सांगितलं नि त्यांना म्हटलं की मनपाला असतात सारख्या गाड्या. तिथून
हडपसरला मिळेल लगेच गाडी. तर ते म्हणाले पैसे जास्त लागतात तसे. आणि
म्हणून ते त्या एवढ्याशा पोराला घेऊन २ तास थांबणार होते. विलक्षण आहे.
१० रुपयाऐवजी १३ रुपये होणार म्हणून ते २ तास थांबणार होते.
कोणत्या गोष्टीची किंमत किती हे परिस्थितीशिवाय कुणीच शिकवू शकत नाही.
याला नक्की काय म्हणावं? आपण किती लहान सहान गोष्टी नाही मिळाल्या तर
दु:खी होतो. पैसे खर्च करताना आपण इतका विचार करतो का? किंवा का करत नाही?
हे असं का? साध्या साध्या प्रश्नांची उत्तरं मिळत नाहीत तर आणखी खोलात जावं का?
मी ढ आहे यात अजिबात शंका नाही.
Friday, August 12, 2011
Subscribe to:
Post Comments (Atom)
0 comments:
Post a Comment